Product Jungle: [PGGroup] आई पी ऍल ऐक्स्ट्रा याने इन्डियन पौलिटिकल लीग

व्यंग्य साहित्य गढ़वाली में

चबोड़ इ चबोड़ मा, हौंस इ हौंस मा

आई पी ऍल ऐक्स्ट्रा याने इन्डियन पौलिटिकल लीग

चबोड्या: भीष्म कुकरेती

ब्याळि भारत का टीवी न्यूज चैनेलुं टी आर पी 500 करोड़ छे याने हरेक न्यूज चैनेल तै लोगुन कथगा इ दें द्याख। ब्याळि भारत आई पी ऍल याने इन्डियन पौलिटिकल लीग का द्वी मैच छ्याई। मैच से जादा आई पी ऍल ऐक्स्ट्रा टैम पर टी आर पी असली मैच से जादा छे।

- ल्या ल्या ब्रेकिंग न्यूज ! सिरफ हमारो बासी पण दिख्याण मु ताजा न्यूज चैनेल माँ इ या ब्रेकिंग न्यूज च।

-द्याखो द्याखो हमारो चैनेल जू छ त खत्युं न्यूज चैनेल च, जयुं बित्युं न्यूज चैनेल च पण टी आर पी मा सब्यूं बुबा च मा धमाकेदार , रिन की चमकार जन , तलवार की धार जन ब्रेकिंग न्यूज द्याखो

- टक लगैक बैठो अब ब्रेकिंग न्यूज ब्रेक ह्वे ग्याई बल आज एक घंटा बाद अलण इन्डियन पौलिटिकल लीग अर फिर फलण इन्डियन पौलिटिकल लीग की प्रेस कॉन्फ्रेंस छन . इ द्वी टीम पैलि अन्ना हजारेक टीम मा छयाई अब यूंकी अपणि अपणि टीम छन अर सुणण मा आइ बल एकाध मैना मा किरण वेदी अर सुभाष हेगड़े बि द्वी चार टीम बणाला। याने कि अन्ना हजारे टीम टूटिक दस बारा इन्डियन पौलिटिकल लीग टीम ह्वे जाली . हमर पैनेल मा भौत सा गपोड़ी , कुज्याण कै पार्टी क पाळीदार पत्रकार छन

, अफिक बण्या स्वयंभू विश्लेषक छन , कति बड़ा बड़ा धुरंदर धुरंदर विश्लेषक बी छन जु अमेरिकी , ब्रिटिश अखबार पौडिक भारत की स्तिथि बथान्दन अर अब नामी गिरामी छन . एकाद यथास्तिथि समजण वाळ विश्लेषक बि हम तै बुलाण इ पड़द .

-आज द्वी मैच छन त हम सब टीवी न्यूज चैनेल सौब काम छोड़िक इन्डियन पौलिटिकल लीग पर इ बकबास करला . अब हम टीवी वाळुक औकात इथगा इ च कि हम आप तै बकवास की न्यूज आर व्यूज दिखौला त अब इन्डियन पोलिटिकल लीग एक्स्ट्रा मा द्याखो कि हम नेताओं तरां तुम तै बेवकूफ बणौन्दा धौं . दर्शको ल्या अब एक घंटा तक खूब बेवकूफ बौणो

- हाँ त आज की भारतीय पत्रकारिता क असली गुवण्या मुतण्या चेहरा याने कौंग्रेस का चमचा पत्रकार जी ! आपक क्या अंक्याण च आकलन च कि अरविन्द कजीरवाळ कै पार्टी पर कजीर (कीचड़ ) लगाल , लीपल ?

- चूंकि अरविन्द कजीरवाळ न कौंग्रेस पर कजीर लगाणो काम पूरो कौरी आल त आज बारि च भारतीय जनता पार्टी पर कजीर लगाणों .

- ब्रेकिंग न्यूज, ब्रेकिंग न्यूज आज अरविन्द कजीर वाळ भारतीय जनता पार्टी पर कजीर लगाल .

-ब्रेकिंग न्यूज ! ब्रेकिंग न्यूज ! हमर विश्वस्त सूत्रों से पता चौल की अरविन्द कजीर वाळ इन्डियन पौलिटिकल लीग टीम आज भारतीय जनता पार्टी पर कजीर लगालि .

- भारतीय जनता पार्टी क खुखली मा बैठिक घी दूध खाण वाळ , राज्य सभा मा जाणो इच्छाधारी प्रकांड पत्रकार ! आपक अंक्याण क्या च बल बी पी सिंगाण की नवाडी इन्डियन पौलिटिकल लीग टीम कै पर सींप /सिंगाण लगालि ?

- कोंग्रेस या कोंग्रेस सहयोगी पार्टी पर इ या नई इन्डियन पौलिटिकल लीग टीम सींप लगालि .

-ब्रेकिंग न्यूज ! ब्रेकिंग न्यूज ! भीतरी सूत्रों से हम तै खबर मील बल बी पी सिंगाण कौंग्रेस या सहयोगी पार्टी पर सींप घूसली याने अभियोग लगालि .

- मि सही माने मा यथास्थिति बतौण वाळ पत्रकार छौं त जरा मै तै बि मौक़ा द्याओ .

- सौरी जी ! अच्काल सेनसेसन कु ज़माना च . इन्डियन पौलिटिकल लीग बि सेनसेसन मा विश्वास करदी अर हम टीवी न्यूज चैनेल त आम समाचार तै बि तोड़ी मरोड़ी क सेनसेसनल बणै दीन्दा . आप सरिखा नॉन सेनसेसनल पत्रकार तै पीक टैम पर टाइम देकि सही बात बताण एक नौनसेंस कु काम च . जब हमम कुछ बताणो नि रालो त आपकी बारी आलि .

-ब्रेकिंग न्यूज ! ब्रेकिंग न्यूज बस अब दस सेकंड छन बच्यां कि कजीरवाळ इन्डियन पौलिटिकल लीग टीम कु कजीर लगाण वळु सेनसेसनल पत्रकार समेलन शुरू हूँण वाळ च .

-ब्रेकिंग न्यूज ! ब्रेकिंग न्यूज बस अब पांच सेकंड छन बच्यां कि बी पी सिंगाण इन्डियन पौलिटिकल लीग टीम कु सींप/सिंगाण लगाण वळु सेनसेसनल पत्रकार समेलन शुरू हूँण वाळ च।

-ब्रेकिंग न्यूज ! ब्रेकिंग न्यूज ! द्वि सेनसेसनल पत्रकार समेलन शुरू ह्वे गेन .

- ब्रेकिंग न्यूज ! द्वि सेनसेसनल पत्रकार समेलन मा कागज़ पत्र दिखाए जाणु च .

- ब्रेकिंग न्यूज ! ब्रेकिंग न्यूज ! द्वी जगा पत्रकार सम्मेलन मा ख़ास नेता पर अभियोग साबित करण से जादा नाटक हूणु च।

- ब्रेकिंग न्यूज ! ब्रेकिंग न्यूज ! यु सिद्ध होणु च कि अरविन्द कजीर वाळ अर बी पी सिंगाण महान नाटककार छन .

-ब्रेकिंग न्यूज ! ब्रेकिंग न्यूज ! अरविन्द कजीर वाळ कु अभियोग झुटो च अर तैडू खोदणो बान इथगा बड़ो पख्यड़ ख्वाद अर मील क्या च ? बस एक तिल कि दाणि। खोदा पहाड़ निकली चुहिया .

-ब्रेकिंग न्यूज ! ब्रेकिंग न्यूज ! बी पी सिंगाण कु अभियोग बि भौत पुराणो च . पुरानी शराब नई बोतल

--ब्रेकिंग न्यूज ! ब्रेकिंग न्यूज ! यूँ दुयुंक प्रेस कौंफ्रेंस अर आम राजनैतिक राजनीतिग्य क प्रेस कॉन्फ्रेंस जनि बकवासी , फोकटिया , दुराव छुपाव से भरपूर , जनता क त ना पण ख़ास अपणो स्वार्थ पूरक , बगैर बात कु बतंगड बणाण जनि प्रेस कौन्फेरेंस इ साबित ह्वे

- ब्रेकिंग न्यूज ! ब्रेकिंग न्यूज ! कजीरवाळ इन्डियन पौलिटिकल लीग टीम अर बी पी सिंगाण इन्डियन पौलिटिकल लीग टीम की न्यूज कौन्फेरेंस से सिद्ध ह्वे ग्याई बल अब हम न्यूज चैनेल वाळ इ सेन्सेसनल तरीका से दर्शकों तै बेवकूफ नि बणौन्दा बल्कण म भारत तै भ्रष्टमुक्त का ख़ास धड़वै बि सेनसेनल तरीका से आम जनता तै बेवकूफ बणाणा छन। उल्टा इन्डियन पौलिटिकल लीग टीम 'सेन्सेसनलन्यूज चैनेलो' से जादा सेन्सेसनल छन .

- ब्रेकिंग न्यूज ! ब्रेकिंग न्यूज ! चूँकि जु बि स्वयंभू खुर्रांट , बेतुका बुद्धिजीवी , स्वार्थी अर तथाकथित पत्रकार विश्लेषक छया वु हमारो चैनेल बिटेन भाजि गेन त झक मारिक हम तै निस्वार्थी समाज का नजीक रौण वाळ विश्लेषक से इ पुछण पोड़ल कि कजीरवाळ इन्डियन पौलिटिकल लीग टीम अर बी पी सिंगाण इन्डियन पौलिटिकल लीग टीम की न्यूज कौन्फेरेंस कु मतलब क्या च .

- जी इन च इतिहास से क्वी नि सिखदो पण इतिहास हमेसा दुराये जांद . जय प्रकाश आन्दोलन से जो जुड़ेन ऊं मादे आज चारा घोटाला , इनकम टैक्स चोरी मा फंस्यां छन . कुछुन लोहिया की छवि तै पूजिक फैदा उठाई . यूं सब्युंन जय प्रकाश आन्दोलन से फायदा उठाई .अब अन्ना हजारे से फैदा उठाण चाणा छन . वस्तुत: यी सौब लालू यादव , नीतेश कुमार, सुशील मोदी, रवि शंकर प्रसाद , मुलायम सिंह यादव क नया अवतार इ छन . यी आज नया अवतार मा अन्ना हजारे क छवि से चतुराई से राजनैतिक लाभ उठाण वळा लोग छन .

-ब्रेकिंग न्यूज ! ब्रेकिंग न्यूज ! यु सिद्ध ह्वे ग्याई बल कजीरवाळ इन्डियन पौलिटिकल लीग टीम अर बी पी सिंगाण इन्डियन पौलिटिकल लीग टीम वाळु कुण भ्रष्टाचार की छ्वीं राजनैतिक फैदा पाणों सीढ़ी च, भ्रष्टाचार की छ्वीं यूँ खुण पद पाणों पुळ च, राजनैतिक फैदा पाणों ऐक्सेलेटर च, राजनैतिक फैदा पाणों फ्यूल च . भ्रष्टाचार की छ्वीं जनता तै पुळयाणों खिल्वणि च। भ्रष्टाचार की छ्वीं जनता तै वेवकूफ बणाणो अलगजा च , भ्रष्टाचार की छ्वीं जनता तै भ्रमित करणों ढोल च दमाऊ च , सिणै च . भ्रष्टाचार की छ्वीं यूंकि राजनैतिक चमक बढ़ाणो पौलिस च .

Regards
B. C. Kukreti

__._,_.___

Reply via web post

Reply to sender

Reply to group

Start a New Topic

Messages in this topic (1)

Recent Activity:

New Members 5

Visit Your Group

PG Group is Registered as a TRUST at New Delhi!
All donors get tax benefit under 80G!
Email : sooni_ksr00@hotmail.com
For Transfer of Funds for various initiatives of the PG Group:
Online transfer
Bank                             AXIS BANK
Account Name               PAURI GARHWAL GROUP
Account No.                  224010100027636
Branch                          Rajender Nagar, New Delhi
Type                            Saving
MICR                           110211026
IFCS Code                   UTIB 0000224
Swift Code                    UTIBINBB002
Physical cheque/DD
Alternatively, you can make cheque/DD in favour of PAURI GARHWAL GROUP and drop it at any branch/ATM of Axis Bank Limited, by mentioning group a/c no. 224010100027636 on the back side of the instrument.